اللقاء رقم 5 فى تحليل الدم

اخر حاجة في تحليل صورة الدم الكاملة وهي الصفائح الدموية (blood platelets )


وحجم هذه الصفائح صغير للغاية وهي المسؤولة عن

تجلط الدم حيث انه يقوم بمنع النزيف في حالة الجروح

النسب الطبيعية لهذه الصفائح من 150,000 الي

300,000 لكل مليميتر مكعب

وعندما تقل هذه الخلايا تسمي thrombocytopenia

ويحدث هذا نتيجة لبعض الامراض وهي غير مخصصة

لمرض بعينه كما ان بعض الادوية زي quinidine and sulfonamide

اما في حالة زيادة هذه الصفائح لازم نتبة الي توقع

حدوث جلطات وبالتالي من الضروري تناول علاجات

زي الاسبرين في الحالات الضعيفة والوقاية وممكن في

بعض الحالات نحتاج الي الهيبارين ,.......

في حالة زيادة او نقص الصفائح من الضروري البحث

عن السبب الرئيسي ويكون من خلال صورة الدم كاملة

او من خلال تحاليل اخري 

والأن محاضرة للدكتورة dr/fatma عن أمور يجب مراعتها عند التحليل وكيفية عمل تحليل الدم في المعمل
فى الاول هقول شويه احتياطات لازم نعملها فى بعض التحاليل
مهم تنصحها للمريض
1 . نسبة الدهون في الدم ( Lipid profile : total cholesterol + H.D.L + L.D.L + Triglycerides ) : يشترط صيام من 12-14 ساعة

2. سكر صايم ( fasting blood glucose ) : يشترط صيام 6-12 ساعة لاتقل ولاتزيد

3. سكر فاطر ( post-prandial blood glucose ) : تؤخذ العينة بعد مرور ساعتين بالضبط من الاكل واخد العلاج لو يوجد .. وممنوع الاكل او التدخين خلال الساعتين.....

4. منحني السكر بالدم ( glucose tolerance curve ) : *يتناول المريض كمية لاتقل عن 150جم من النشويات لمدة 3 ايام متتالية
* يتم عمل المنحني صباحا بعد صيام 12 ساعة
* ممنوع التدخين اثناء الاختبار ويفضل الراحة التامة

5. سرعة الترسيب ( E.S.R ) : يفضل وليس يشترط صيام من 6-8 ساعات

6. اختبار الحمل في البول : يفضل وليس يشترط أول بول في الصباح مع تقليل من شرب السوائل في الليلة السابقة

7.مزرعة بول :*يفضل الامتناع عن المضادات الحيوية لمدة لا تقل عن 48 ساعة قبل جمع العينة *يشترط غسل الايدي والاعضاء التناسلية بالماء والصابون وتطهر فتحة البول بالديتول ثم يتم غسل كل ذلك بالماء فقط ... ثم نفرغ اول قطرة من البول في دورة المياة ثم يوضع الباقي في العلبة المخصصة لجمع البول
*في حالة جمع العينة من المنزل يفضل ان تصل المعمل في مدة لاتتجاوز الساعتين

8.مزرعة براز :*يفضل الامتناع عن المضادات الحيوية لمة لا تقل عن 48 ساعة قبل جمع العينة
* ترسل العينة للمعمل خلال ساعتين علي الاكثر
* لا يجوز استخدام عينة البراز من بامبرز الاطفال

وهكذا تحليل البراز العادى يفضل ان يكون صباحا

9. بول 24 ساعة :* افرغ المثانة تماما ثم سجل هذا الوقت ثم اجمع كل البول طوال ال 24 ساعة حتي نفس الميعاد الذي افرغت فيه المثانة في العلبة المخصصة لجمع البول...
*وترسل العينة للمعمل مباشرة ولو سيتأخر ارسالها تحفظ في الثلاجة

10. بول 3 أيام متتالية : يشترط اول بول في الصباح وترسل كل عينة في نفس اليوم للمعمل

11. بصاق 3 أيام متتالية :
*يشترط تجميع اول بصاق في الصباح بعد مضمضمة الفم جيدا وتجنب اللعاب في العينة


ونبدأ بسم الله شرح عمل صورة الدم*

بسم الله الرحمن الاول

CBC



هى غالبا فى أغلب المعامل بتتعمل بالجهاز

بتحط العينة المضاف اليهاanti coagulantزى الEDTA

وبيطلع النتيجه على طول

اما انا هنا

هتكلم على الطريقة الManual

*اول حاجه هنتكلم عليها حاجة بسيطة وسهله

HB

وتستخدم طريقة تسمى الColorimetric method

وهى طريقة تعتمد على اللون يعنى هعرفها بعينى لو النسبة عاليه او قليلة....



Sample:Whole blood


الشركة اللى بشتغل بيها اسمها راندوكس
..[/IMG]

Reagent اسمه درابكن

2.5 ml of drapken

10 Micron of bl sample

Mix Well

Let for 3 – 5 mintue


ثم تقرأ بالجهاز


وفى بعض الاجهزة لازم نضرب فى ثابت



Calculation


HB Conc.=Asample x. 36.77(g/dl)













Normal value


Male 14 – 18 (g /dl)


Female(12 – 16 g/dl)




It us recommended that each laboratory establish its own reference range to reflect the age ,sex,diet and geographical ******** of the population.

دلوقتى هنكمل اللى بيتعمل يدوى فى صورة الدم
تانى حاجه هتكلم عليهها هى الصفائح الدموية Platelets Count
طريقة العمل
sample: whole bl-1
(bl+EDATA)
-2* التحضير
micron from platelets reagent+ 10micron from bl
*mix well
*3-نضع على شريحة العد اللى هى الهيموسيتمترHemocytometer الCover ونضع عليها
10 ميكرون من اللى حضرته فوق

4-نضع الشريحة فى Petri-Dish يحتوى على قطن مبلل او ورقة ترشيح مبللة ويغطى الطبق وتترك لمدة 20 دقيقة فى درجة حرارة من 15 - 25 درجة سيليزية.
5-نضع شريحة العد تحت الميكروسكوب وتعد الصفائح الدموية كالطريقة المتبعة فى عد الدم الاحمر ( العد فى الخمس مربعات الصغيرة فقط)وتجمع المربعات وتضرب النتائج فى
5000
دى صورة الهيموسيتمتر اللى بعد عليهاHemocytometer
سواء
*العد الابيض
*العد الاحمر
* الصفائح الدموية

دلوقتى هنكمل سوى
العد الكمى والنوعى لكرات الدم البيضاء
نبدأ بالعد الكمى
يتم تحضير 190 ميكرون من محلول العد كرات الدم البيضاء ويوضع عليه 10 ميكرون دم (Whole bl)ويمزج جيدا حتى يغمق لون المحلول حتى نتاكد من صباغة كرات الدم البيضاء و تكسير كامل لكرات الدم الحمراء .
ثم نضع 10 ميكرون من التحضير على شريحة العد الابيض ونبدا بالعد لل 4 مربعات الطرفية الموجودة وهى مربعات اكبر من مربعات كرات الدم الاحمر وكل مربع يحتوى على 16 مربع صغير

نجمع العدد فى الاربع مربعات ونضرب الناتج فى 50
او ممكن نحسب مربع واحد فقط ونضربه فى 200
والى العد النوعى .. 

نكمل العد النوعى لكرات الدم البيضاء
Differential Leucocytic Count

سوف نقوم بفرد فيلم على شريحة ثم صبغه بصبغة الليشمن
طريقه عمل الفيلم
1 *يتم استخدام دم مباشرة او يتم تحضير 1 مللى دم ويوضع عليه نقطة EDTA ويمزج جيدا
2* نأخد منه 10ميكرون ثم نقوم بفرد الفيلم على شريحة زجاجية عن طريق وضع اال10 ميكرون دم على طرف الشريحة وبواسطة شريحة اخرىاو (cover) يتم الفرد .ويجب فرد اكثر من فيلم حتى يتاح لنا الفرصة فى اختيار الانسب وهو الفيلم الذى لايحتوى على فقاعات هوائية او فراغات دقيقة .

3* ننتظر حتى يجف الفيلم تماما بوضعه فى الحضانه لمده (10 - 15 دقائق) او فى الهواء ليجف
4*نصبغه بصبغة ليشمان البنفسجية(نترك الصبغه لمدة 3 دقاائق)
5* ثم تضع ماء مقطر لمدة 7 دقائق
6 *ثم نغسل الفيلم بالماء المقطر (gently)
7* صبغة ليشمان البنفسجة سوف تقوم بصبغة نوات كرات الدم البيضاء
ثم نترك الشريجه لتجف من الماء
ونضع نقطة من الزيت
وتفحص بالعدسة 100
ويفحص الفيلم بطريقة الZizag form ونعد 100خليه
اشكال الخلايا



اخر حاجة ممكن اقولها فى صورة الدم
كرات الدم الحمراءRed bl cells
ودى ممكن تتعمل عملى
او بنعملها بمعادله
RBCs= HB% /2
اتمنى ان تكون صورة الدم واضحة 

الأن مع تحليل سرعة الترسيب ومحاضرة للدكتورة : راجية رضى الله

( تحليل سرعة الترسيب )


هو قياس سرعة ترسيب كرات الدم الحمراء خلال ساعة واحدة عند وضع كمية من الدم في انبوبة خاصة حيث يتم قياس المسافة بالملي متر التي تتحركها كرات الدم خلال ساعة وعشان كده الوحده المستخدمة في القياس هي mm/hr
ايه هي النسب الطبيعية لسرعة الترسيب ؟؟
Adult:
Age < 50
Man: 0 to 15
Women: 0 to 20
Age > 50
Man: 0 to 20
Women: 0 to 30
Newborn: 0 to 2
Neonatal to puberty: 0 to 13


طب ايه هي اهم الحالات اللي بتزيد فيها سرعة الترسيب عن المعدل الطبيعي ؟؟
•الحمى الروماتيزمية ...في هذه الحالة يتم عمل تحليل A.S.O للتاكد من ان المريض يعاني من الحمى الروماتيزمية
•الروماتويد .. وطبعا في الحالة دي لازم المريض يعمل تحليل rheumatoid factor للكشف عن الاجسام المضادة
•الحمل
•الانيميا الحادة
•الدرن ( السل الرئوي )
•في بعض امراض الكلي وبعض الامراض المتعلقة بالغدة الدرقية
•في حالة ازدياد نسبة الفيبرينوجين في الدم [/color]
واهم الحالات اللي بتقل فيها سرعة الترسيب :
•في حالة الـ congestive heart failure
•انخفاض نسبة البروتين في الدم نتيجة خلل في الكبد او الكلية
• ازدياد عدد كرات الدم الحمراء Polycythemia
•انيميا الخلايا المنجلية
•انخفاض نسبة الفيبرينوجين

اضافة اخيرة..

النسب السابقة هي باستخدام طريقة تسمي Westergren method وهناك بعض معامل التحليل بتقيس بطرقا اخرى غير الطريقة دي ويقوم المعمل بذكر النسبة الطبيعية بين قوسين    

تابعونا على جروب انا الصيدلى
http://www.facebook.com/groups/AnaAlsaidaly

بيدج انا الصيدلى


http://www.facebook.com/Ana.AlSaidaly

مدونة انا الصيدلى
http://anaalsaidaly.blogspot.com/

 

تحليل الدم اللقاء رقم 4

وتتمثل كرات الدم البيضاء من خمس خلايا هي

neutrophils

lymphocytes

monocytes

eosinophils

basophils

وكل واحدة من دول بيكون ليها نسبة بحيث يكونو في الاخر العدد الكلي لكرات الدم البيضاء الي بنسميها WBCs differential

أولا

neutrophils

ودي بتكون نوعين نوع ناضج ودا بيسمى

polymorphonuclear leukocytes or polys

أو

segmented neutrophils or segs

أما الجزء الغير ناضج من neutrophils بيسمى

bands or stabs

علشان لما تكتب اي شىء من الاسماء دي في التحليل نكون عارفين دا بيدل

علي ايه ؟؟ تمام

وبتعتبر الـــ neutrophils دي الجناح العسكري الاول الي بيدافع عن

الجسم ضد أي عدوي او في حالة حدوث اي تلف في أي عضو تلاقي الخلايا

دي علطول بتروح مكان العدوي او التلف دا وتحاول تتدافع عن الجسم .

طيب النسبة الطبيعية للــــــ neutrophils الاتي

احنا قولنا انها منها ناضج وغير ناضج تمام

الجزء الناضج (تحت اي اسم من الي فوق ياريت تكونو مركزين )

يعني تتكتب polys او segs أو segmented أو

polymorphonuclear

أي اسم من دول

والنسبة الطبيعية له من 50 الي 70

أما الجزء الغير ناضج (تحت اي اسم بردو )

bands او stabs

بتكون النسبة الطبيعية من 3 الي 5 خلايا

طيب في حالة زيادة الخلايا neutrophils وفي الحالة دي بنسميها

neutrophilic leukocytosis

والزيادة دي بتديني indication انه يوجد عدوى بكتيرية (systemic )

زي حالات مثلا pneumonia

وفي حالة زيادة الخلايا دي بيزيد ايضا كل من الجزء الناضج والجزء الغير

ناضج تمام.

ايضا لا ننسي ان الخلايا دي ايضا بتزيد في حالة بعض العدوي الفيروسية زي

chickenpox , herpes zoster , rickettsial disease

وان شاء الله بردو حنعرف نفرق بين العدوي الفيروسية والبكتيرية ودا

حيوضح بعدين

ايضا تزيد هذه الخلايا في حالة العدوي الفطرية وفي حالة stress وممارسة

التمارين

ولكن في الغالب بتكون عدوى بكتيرية كما وضجنا قبل كدا

ولا ننسي ان الخلايا دي تعتبر خط الدفاع الاول بتزيد في حالة العدوي زي ما

قولنا

كمان بتزيد في حالة تلف اي عضو زي حالات

acute rheumatoid fever ,rheumatoid arthritis, acute gout

أو في حالة موت الخلايا لبعض الاعضاء زي

myocardial infraction ,burns, certain cancer

وبعض الامراض دي حنشرحها نبذة مختصرة عنها ولكن في تحاليل اخري

تخصها

أو في حالة leukemia زي ما وضحت قبل كدا

أو في حالة استعمال بعض الادوية زي epinephrine و lithium

ومافيش حد يقولي انا كدا اتلخبطت لان النتائج عندي كتيره . حقوله اصبر

شوية . معظم الامراض دي ليها تحاليل منفصلة حنتأكد بها اكتر

بس احنا ممكن نعتبر ان زيادتها يدل علي وجود بكتيريا مع ايقاف التنفيذ (ابتسامة )

بس بردو لا تقلق لان من خلال تحليل كرات الدم البيضاء ككل حتتعرف علي

نوع العدوي ان شاء الله

طيب في حالة نقص neutrophils ودا بيسمى neutropenia

وهذا يحدث في حالات العدوي الفيروسية زي (mumps,measles )

وبيكون نخاع العظام (bone marrow ) في هذه الحالة مش قادر ينتج هذه

الخلايا او احتياجات الجسم

تاني نوع

basophils

ودي بتزيد في حالة leukemia وبعض الحالات chronic الاخري

وتسمي في هذه الحالة بـــ basophilia

وتقل هذه الخلايا في حالة العدوي البكتيرية ولكن نظرا لقلة عددها فبتبقي غير

مميزه ولكن في الغالب بتكون (صفر) في حالة العدوي البكتيرية

حيث تكون النسبة الطبيعية هي من 0 الي 1

تالت نوع

eosinophils

وتزداد هذه الخلايا في حالات الحساسية (allergic reaction )

زي حالات

asthma , hay fever , drug allergy ,

كما انها تزيد ايضا في حالات

parasitic infection زي trichinosis او amebiasis

وتسمي في هذه الحالة eosinophilia

وتكون النسبة الطبيعية من 0 الي 5

معلشى اذا كانت المحاضرة دي رخمة شوية او مبهمة المعالم ولكن كتير من

الحاجات دي حيوضح فيما بعد

يبقي كدا ناقص محاضرة واحدة فقط في تحليل صورة الدم كاملة

بقيت كرات الدم البيضاء والصفائح

ودلوقتي نكمل كرات الدم البيضاء

احنا اتكلمنا عن

neutrophils ,basophils,eosinophils

ودلوقتي جاء دور Lymphocytes

النسبة الطبيعية لهذه الخلايا من 20--40

في حالة زيادة هذه الخلايا تسمى lymphocytosis

وزيادة هذه الخلايا يرتبط ارتباط وثيق بالعدوى الفيروسية

خصوصا اذا كانت عدد كرات الدم البيضاء طبيعي او دون الطبيعي

وهذا الزيادة للتفرقة بين العدوى البكتيرية والعدوى

الفيروسية حيث ان هذه الخلايا تكون في حالة العدوى

البكتيرية أقل من الطبيعي او طبيعي

في حالة نقص هذه الخلايا تسمى بـــ lymphopenia

ويحدث هذا النقص نتيجة مرض مناعي او ضعف

المناعة او كما في حالة التهاب البكتيري


Monocytes

والنسبة الطبيعية لهذه الخلايا من 0 -----7

في حالة زيادة هذه الخلايا تسمي monocytosis وتزداد

في حالات tuberculosis و subacute bacterial endocardits

كما انها تزداد في حالة قرب الشفاء

من الميكروب

وطبعا مش معقول حتقل عن الصفر

وبكدا خلصنا كرات الدم البيضاء


تابعووووونا :)

   

تابعونا على جروب انا الصيدلى
http://www.facebook.com/groups/AnaAlsaidaly

بيدج انا الصيدلى


http://www.facebook.com/Ana.AlSaidaly

مدونة انا الصيدلى
http://anaalsaidaly.blogspot.com/

اللقاء رقم 3 فى -تحليل الدم-

ودلوقتي جاء دور كرات الدم البيضاء

WBCs

أو
leukocytes

وعدد كرات الدم البيضاء الطبيعية بتكون من 4000 الي 11000 كرة دم بيضاء

في المليميتر المكعب

طيب 1- في حالة زيادة كرات الدم البيضاء عن 11 الف دي

بنسميها ـــــــ leukocytosis

ولما تزيد كرات الدم البيضاء دا بيديني اشارة انه في الغالب يوجد عدوى .

كما أن leukemia و tissue necrosis و أخذ الكورتيزون

تكون ايضا كرات الدم البيضاء مرتفعة .

ولكن في الغالب عندما ترتفع كرات الدم البيضاء دا بيدل على انه يوجد

عدوى بكتيرية (systemic )

طيب نبذ مختصرة عن مرض leukemia أو ما يطلق عليه سرطان الدم

اولا احنا عارفين ان خلايا الدم الحمراء والبيضاء والصفائح الدموية بتتكون من

نخاع العظام (bone marrow ) من خلايا اسمها stem cell

والطبيعي انه بيتم تكوين هذه الخلايا لفترة معينة ثم بتكبر هذه الخلايا يقوم

الطحال يتخلص من الخلايا دي وبعد كدا نخاع العظام ينتج خلايا تانية مكانها

تمام كدا

طيب في حالة leukemia ايه الي بيحصل ؟؟؟

دا مع خلايا الدم البيضاء حيث ان خلايا الدم البيضاء الي اصبحت

(leukemia ) اتكونت وبتبدأ تتكاثر وبتمشي في الدم مع الخلايا العادية السليمة

ولكن هذه الخلايا بلا فائدة يعني مش بتكون او بتقدر تحمي الجسم (ليست كمثل

كرات الدم البيضاء العادية )

بل كمان الخلايا دي مش بتكبر ومش بيحصلها انها تموت وبالتالي بتزيد في

عددها وبتبدأ تحل مكان الخلايا الاخري من الصفائح الدموية او كرات الدم

يعني الجسم بيفقد قدرته علي مقاومة الامراض زائد ان كرات الدم البيضاء دي

(leukemia ) بتزيد جدااا مش بيحصلها احلال (انتم متخيلين الكارثة الي

بتحصل ولا لا ؟؟ )

يعني في الحالة دي بيكون نسبة كرات الدم البيضاء عالية جدااا وغالبا ما تكون

كل من الهيموجلوبين والصفائح الدموية منخفضة .


الاسباب

طبعا بتوقع ان الاشخاص الي بيتعرضو للاشعاعات بيكونو اكتر عرضة من غيرهم

التدخين

الناس الي بيستخدمو X-rays

الوراثة


الاعراض

(الي ممكن من خلالها تشك ان في leukemia طبعا بجانب التحليل )

بتكون lymph nodes السطحية منتفخة وظاهرة وبالاخص في علي الرقبة

بينقص وزنه بصورة ملحوظه

بيحصله تعرق شديد عند النوم

بيشعر بالتعب باستمرار

الم في المفاصل بصفة مستمرة

كل شوية بيحصله عدوى تكرار العدوي باستمرار

طبعا بيتم فحص الدم زي ما ذكرنا

زائد انه بيتم اخذ عينة من bone marrow للتاكد

طبعا العلاج بيكون عن طريق الادوية الحيوية زي infliximab وغيره

وممكن ساعات بنشيل الطحال لو كان حصله تضخم شديد


طيب 2- في حالة نقص كرات الدم البيضاء يعني بتقل عن 4 الاف خلية

دي بتسمي leukopenia ويحدث النقص في حالة ان

bone marrow مش قادر ينتج خلايا جديده

(bone marrow depression )

ويكون السبب في ذلك metastatic carcinoma أو lymphoma أو

استعمال antineoplastic agents

وتتمثل كرات الدم البيضاء من خمس خلايا هي

neutrophils

lymphocytes

monocytes

eosinophils

basophils

وحنتعرف علي كل واحدة فيهم ان شاء الله ولكن في المحاضرة القادمة بمشيئة

الرحمن

   

تابعونا على جروب انا الصيدلى
http://www.facebook.com/groups/AnaAlsaidaly

بيدج انا الصيدلى


http://www.facebook.com/Ana.AlSaidaly

مدونة انا الصيدلى
http://anaalsaidaly.blogspot.com/

اللقاء رقم 2 تحليل الدم CBC

- Hb test

وهو ما يعني الهيموجلوبين وهو يكون بداخل كرات الدم الحمراء وهو يتكون من

بروتين وحديد (haem + glubin ) وطبعا احنا عارفين ان كرات الدم

الحمراء بتتكسر كل 120 يوم وبالتالي حيحصل تكسير للهيموجلوبين مما ينتج

عنه افراز الحديد في الدم وبيجي بروتين تاني اسمه ترانسفيرين ويبدأ يجمع

الحديد الناتج دا ويوديه الي bone marrow علشان يصنع هيموجلوبين من

جديد بس يا خسارة الترانسفيرين دا مش بيقدر يجمع الحديد كله وبيفضل شوية

حديد في الدم بيدخلو في تركيب البيليروبين الذي يفرز مع الصفراء وهو

المسؤل عن اللون البني المصفر للبراز

ووظيفة الهيموجلوبين هي نقل الاوكسجين من الرئتين الي جميع انحاء الجسم

طيب ما هي النسب الطبيعية :

في الرجل بيكون من 14 الي 18 g/dL

اما النساء فتكون 12 الي 16 g/dL

في الاطفال من 11 الي 16 g/dL

طيب في حالة نقص Hb دا بيديني indication ان في انيميا وبتكون

غالبا ناتجة عن نقص الحديد لان في حالات اخري الحديد بيبقي موجود بنسب

كويسة ولكن الجسم مش قادر يمتصه وطبعا هناك تحاليل حتحدد لنا نوع

النقص بالظبط هل هو حديد ام غيره ولكن فيما بعد علشان كدا لازم نصبر

وما نحكمش من خلال التحليل دا ع الانيميا انها نقص حديد

طيب في حالة زيادة Hb طبعا احنا ذكرنا الحالة دي بالتفصيل وهي التي ينتج

عنها زيادة ايضا في Hct

=====================

- MCV

وهو عبارة عن نسبة Hct الي RBCs

النسبة الطبيعية هي من 80 الي 110

في حالة انخفاض MCV مؤشر الي أن RBCs ـــــــــــــــــ microcytic

مثلما يحدث في حالة نقص الحديد

أما في حالة زيادة MCV مؤشر الي أن RBCs

ـــــــــــــــــــــــmacrocy tic مثلما يحدث في حالة نقص فيتامين B12

وحمض الفوليك

ملحوظة

هذا التحليل اكتر تخصص من HB حيث أنه يدل علي نوع الانيميا كما ذكر

أعلي

اما في حالة نقص الحديد فيتم العلاج بأملاح الحديد

يا اما عن طريق الفم

ferrous sulfate

ferrous fumarate

ferrous gluconate

ولا يستخدم ferric في علاج الانيميا لانه ضعيف ضعيف جداا في

الامتصاص فهو اضعف بكتير من FERROUS

كما ان ferrous يتم امتصاص 25% منه

كما أن احتياج الحديد اليومي لعلاج الانيميا من 50 الي 100 مليجرام يوميا

(ما يتم امتصاصه )

لذلك نحن نحتاج 200 الي 400 مليجرام حديد يوميا (يتم امتصاص 25 % فقط )

كما أنه يتم علاج الانيميا الي أن نصل الي نسبة الهيموجلوبين الطبيعية ومن

الضروري استمرار العلاج لفترة لا تقل عن 3 الي 6 شهور بعد الوصول

الي النسبة الطبيعية علشان نعالج بردو نقص الحديد المخزن وبالتالي تقليل عودة الانيميا مرة اخري

اخذين في الاعتبار ان الحديد بيعمل مشاكل كتيرة علي GIT ولكن من المشهور

انه بيعمل امساك ولكن ايضا الحديد يسبب اسهال

اقل املاح الحديد اثارا جانبية هو SULFATE علي هيئة ferrous sulfate

وايضا اقوي مفعول هو ferrous sulfate كأعلي امتصاص

ملحوظة كمان الكبسولات الي عل هيئة sustained release مافيش أي

فايدة منها ولا تقدم أي شىء وينتج عنها نقص الحديد المستخدم ولكنها اقل في

الاثار الجانبية ولكن بدون فائدة

او عن طريق الحقن

ولا نلجأ للحقن الا اذا لم تجدي الحبوب نفعا

ويوجد لدينا نوعين من

sodium ferric gluconate complex in sucrose

and

iron dextran

ولكن يفضل استخدام sodium ferric gluconate عن

dextran حيث انه

اقل حدوثا للــــــــ anaphylactic reaction كما أنه اكثر امانا واقل حدوثا

للاثار الجانبية

اما في حالة

نقص فيتامين B12 أحد اسباب حدوث الــ megaloblastic anemia

يتم تعويض الجسم بــ فيتامين B12 علي هيئة حقن

حيث ان الانسان يحتاج الي 2mcg يوميا من فيتامين B12

كما أنه يتم تخزين الزائد عن حاجة الجسم في الكبد حيث يستطيع تخزين من

3000 الي 5000Mmcg من فيتامين B12

لذلك الانسان الطبيعي يحتاج الي خمس سنين علي الأقل لحدوث هذا النقص

حتي ينفذ المخزون الكلي من الكبد وهذا أكثر حدوثا في مريض الكبد

او في الانسان النباتي (الي مش بياكل ولا اللحمة ولا البيض ) اكيد في ظل غلو

اسعار اللحمة دي كله حيجيله نقص فيتامين B12 وكمان حمض االفوليك (ابتسامة خفيفة )

ملحوظة يوجد فيتامين B12 علي هيئة cyanocobalamin و

hydroxocobalamin ولكن يفضل الاخير بفضل قوة ارتباطة

بالبلازما وبالتالي طول مفعوله في البلازما

الجرعة تتم بأعطاء من 100 الي 1000mcg من فيتامين B12 يوم بعد يوم

لمدة 1ــــ 2 اسبوع علشان اعوض المخزون (يعني دا حيبقي بمثابة جرعة

لتعويض المخزون الذي نفذ ) ثم 100 الي 1000mcg شهريا

أما في حالة

نقص folic acid وبردو دا بينتج عنه megaloblastic anemia

وبتكون المرأه الحامل اكثر عرضة حيث احتياجتها اليومية بتزيد من الفوليك

اسيد تصل الي 300 الي 400mcg يوميا

وأن الكبد يستطيع أن يخزن من 5 الي 20mg من حمض الفوليك لذلك تنتج

megaloblastic anemia من بعد توقف الانسان عن تناول الفوليك اسيد

من فترة شهر الي 6 شهور

هناك عوامل اخري تؤدي الي نقص حمض الفوليك كأستعمال ادوية مثل

methotrexate أو trimethoprim ولكن الاخير تأثيره ضعيف جداا علي

حمض الفوليك

ممكن renal dialysis تؤدي الي نقص كل من الفوليك اسيد وفيتامين B12

نتيجة التخلص منهم في هذه العملية


5- mean cell hemoglobin concentration (MCHbC)

Hb X 100
MCHbC =ـــــــــــــــــــــــــــــ ــــــــــــــ
Hct

النسبة الطبيعية للــــ MCHbC من 31 الي 37

في حالة نقصان MCHbC هذا يدل علي

hypochromia (pale RBCs resulting from decreased Hb ******* )

مثلما يحدث في حالة نقص الحديد



6- the reticulocyte count

ودا بيقيس كرات الدم الغير ناضجة

provides a measure of inmmature RBCs

والخلايا الغير ناضجة دي تسمي reticulocyte

وبالتالي الاختبار دا بيعرفني مقدار كرات الدم الحمراء الغير ناضجة التي ينتجها

bone marrow

النسبة الطبيعية للـــ reticulocyte من 0.1 % الي 2.4 % من total RBCs

في حالة زيادة reticulocyte هذا يحدث في حالة فقدان الدم الشديد

او

hemolytic anemia او في حالة نقص الشديد لكل من الفوليك اسيد وفيتامين

بي 12 والحديد

أما في حالة نقصان reticulocyte غالبا بيكون

a drug inducid aplastic anemia


7-erythrocyte sedimentation rate (ESR
النسب الطبيعية بتكون الاتي

الرجال من 0 الي 20mm\hr

النساء من 0 الي 30mm\hr

وطبعا بيزيد ESR في حالة العدوي


increase in acute or chronic infection ,tissue necrosis

,and rheumatoid collagen disease

وطبعا انا اعتمادي علي التحليل دا في الاتي فقط لانه مش مخصص لاي عدوي

يأما عاوز اعرف العلاج بتاعي بيجيب نتيجة والالتهابات بتقل ولا لا

او اني افرق بين

angina pectoris في الحالة دي ESR بيكون في القيم الطبيعية بتاعته

و

myocardial infarction ودي بيكون ESR علي عن الطبيعي

والمرضين دول بيكونو ليهم نفس الاعراض

ان شاء الله ممكن نتعرض ليهم ولكن فيما بعد

تابعونا ....................
================================
انتظرونا فى اللقاء القادم ان شاء الله.
=================
تابعونا على جروب انا الصيدلى
http://www.facebook.com/groups/AnaAlsaidaly
*******
بيدج انا الصيدلى

***********
http://www.facebook.com/Ana.AlSaidaly
********
مدونة انا الصيدلى
http://anaalsaidaly.blogspot.com/
**************************
شييييير X كل مكان.

اللقاء رقم 1 تحليل الدم CBC

 

ثانيا تحليل الدم cbc:
محاضرة للدكتور عمرو القاضي :
بسم الله الرحمن الرحيم

حنبدأ أول شىء بتحليل الدم (CBC ) أو ما يسمي بصورة الدم الكاملة

وطبعا احنا عارفين ان الدم بيتكون من RBCs و WBCs وصفائح دموية

ويشتمل التحليل (complete blood count ) علي الاتي

hemoglobin ( Hb)

hematocrit ( Hct)

total white blood cells ( WBCs)

total red blood cells ( RBCs)

mean cell volume( MCV)

platelet count

ودي الحاجات الي بتظهرلي في تحليل الدم


RBCs -1

ودي بشوف عندي كم كرة دم حمراء موجودة في المليميتر المكعب في الدم كله

وبتكون النسبة الطبيعية لها في الرجل من

4.3 مليون الي 5.9 مليون خلية

أما في النساء فتكون من

3.5 مليون الي 5.0 مليون خلية


2- Hct or PCV

ودي بتكون غالبة 3 أضعاف قيمة Hb

وبتكون في الرجال من 42% الي 52% او ساعات بتكتب (0.42 الي 0.52 )

أما في النساء فنسبته الطبيعية تكون 37% الي 47% او تكتب (0.37 الي 0.47 )

طيب انا استفيد من التحليل دا في ايه بالظبط :

في حالة انخفاض Hct ودا بيحدث في حالات الانيميا ولكن مش بقدر احدد

السبب حنعرفه في التحاليل الي بعد كدا

أو في حالة فقدان الدم الشديدة

أو في حالة overhydration ودي معناها ان كمية السوائل الي انا

باخدها اكتر بكتير من كمية السوائل الي انا بفقدها

وفي الحالة دي بتكون اساسا الاوعية الدموية ممتلئة وبالتالي السوائل الزيادة دي

حتتسرب من الاوعية الدموية وتروح بين الخلايا ويحصلي edema

وفي الحالة دي لازم احدد سبب overhydration

سواء أكان heart failure (في الحالة دي بيكون القلب بيكون مش قادر يضخ الدم الي بيجيله )

يفضل عمل تحاليل اخري للتأكد سوف تشرح فيما بعد

أو أكان kidney disorders (في الحالة دي بتكون الكلي مش قادر
تتخلص من السوائل )

يتم عمل وظائف للكليتين للتأكد حناخدهم فيما بعد ان شاء الله ويفضل ايضا

عمل اشعة

أو أكان الجسم بيفرز كميات كبيرة من anti diuretic hormone

(وفي الحالة دي الهرمون دا بيدي اشارة للكلي انها مش تتخلص من السوائل يعني بيعمل احتباس )

والهرمون دا بيحصله افراز زيادة من الجسم عند وجود التهاب رئوي أو

stroke أو ان المريض بيستعمل ادوية زي

carbamazepine ,sertraline ,NSAIDs


طيب امتي اطلب صورة دم أو ارشد المريض لعمل تحليل صورة دم أو لعمل Hct

لما يكون فيه الاعراض الاتية

اديما في القدمين (بردو يفضل عمل تحاليل للكليتين ) أو في اسفل الظهر

لما يكون هناك صعوبة في التنفس (لان هناك كمية من السوائل حتختزن في

الرئيتين ) وان المريض مش قادر ياخد نفسه خصوصا لما بيستلقي علي

الارض (لان السوائل المختزنة في القدمين حتتحرك لأعلي الي البطن ثم الرئتين

وبالتالي مش حيقدر ياخد نفسه هنا يجب عمل اشعة علي الرئتين (تضخم )

العلاج بيكون بأستعمال مدرات البول (diuretics ) وعلي رأسهم thiazide

وهذا لتقليل كمية المياه ثم التعرف علي السبب وعلاجه حسب الحالات التي

ذكرتها


طيب في حالة زيادة Hct دا بيبقي ناتج عن ايه:

dehydration

أو

polycythemia والحالة دي معناها زيادة كرات الدم الحمراء عن الحجم

الطبيعي وفي الحالة دي bone marrow بيخلق كرات الدم بأستمرار مما

يؤدي الي زيادتها وبالتالي زيادة حجم الطحال لانه المسؤل عن التخلص من

الكرات الزيادة دي وبالتالي علشان يأقلم نفسه حجمه بيزيد وكمان الكبد حجمه

بيزيد وطبعا لما الطحال بيزيد حجمه بيملي منطقة البطن وبالتالي المريض

بيشعر دايما انه عنده انتفاخات وان باطنه مليانه والحالة دي بينتج عنها

صداع باستمرار ,دوخة , عدم اتزان في السمع ,دوخة ,دوار وغالبا ما يكون

الضغط مرتفع ,غثيان , قيء .زنة في الاذن ,يشعر بالارهاق ,اضطرابات بالنظر ,

حكه وهرش بجميع انحاء جسمه (اكن فيه حاجه بتعمله الاكلان دا داخليا )

, طبعا والمصيبة الكبري انه بيحصل جلطات في اليد والقدم ومن ثم القلب وهكذا

الحالة دي بتحصل لشخصين كل 100000 شخص

(أنا عدى عليا 3 حالات ربنا يشفيهم )

ملحوظة في حالة عدم علاج الحالة دي نص المصابين بها بيموتو في خلال

سنتين وفي حالة العلاج ممكن يجلس من 15 الي 20 سنة

طيب ايه العلاج :

طبعا بتبقي بطريقة نفس طريقة التبرع بالدم (بيسحبو الدم الزايد دا كل فترة

ممكن تصل الي عدة شهور ) الي ان يصل Hct الي النسبة الطبيعية

وطبعا ممكن ناخد الاسبرين علشان الجلطات ودا حيساعد انه حيوقف

الشعور بحرارة او حرقان (اكلان ) اليد والقدم

بعض الادوية الاخري زي الانترفيرون

علشان كدا لما تكون عندي الأعراض دي ارشد المريض أنه يعمل تحليل Hct

وطبعا بيكون طبيعي ان RBCs و Hb مرتفعة


انتظرونا فى اللقاء القادم ان شاء الله.
=================
تابعونا على جروب انا الصيدلى
http://www.facebook.com/groups/AnaAlsaidaly

بيدج انا الصيدلى


http://www.facebook.com/Ana.AlSaidaly

مدونة انا الصيدلى
http://anaalsaidaly.blogspot.com/

شير فى الخيييييييييييير

اللقاء رقم 5 تحليل البول urine analysis

    تكملة محاضرة الدكتور : عماد الصباغ عن طريقة عمل تحليل البول في المعمل .
    والنهاردة ان شاء الله حنبدأ شرح الفحص الكيميائي Chemical examination
    وفيه حنشرح االاتي
    1- Albumin
    2- Bilirubin
    3-Blood
    4-Urobilinogen
    5-Glucose
    6-Acetone
    7-PH


    1- Albumin ألبومين ---واسمه بالعربي ( الزلال )ساعات الدكتور بيطلبه لوحدة ودا نادر
    وهو بينطلب في حالات الحمل وهنقول ليه
    وطبعا ممكن الدكتور يطلبه لوحده في حالات المتابعه ( يعني لو مريض عمل تحليل بول كامل ولقي عندة زلال ممكن ساعتها الدكتور يطلبه لوحده علشان يتابع  تمام كده


    أول حاجه هو ممكن ينطلب ليه بص يا سيدي طبعا زي ما قلنا فوق انه غالبا مش بينطلب لوحده بس احنا بنعمله من خلال تحليل البول الكامل


    نعمله ازاي بص يا سيدي غالبا عينة البول اللي فيها نسبة زلال عالية بتكون معكرة Turbid Or Semi turbid علي حسب نسبة او تركيز الزلال \ تمـــــــــــــــــــــــام

    طيب في طريقة الشرايط Combi ودي الناس كلها عرفاها اللي فيها بندور البول في السنترفيوج وبعدين بنغمس الشريط فيها وبعدين نزيل بقية البول في الشريط ونقرا النتيجه خلال 30 - 60 ثانية طبعا لون الشريط بيتغير من اللون الاصفر الي درجات اللون الاخضر علي حسب تركيز الزلال في البول( يعني كل ما اللون الاخضر بقي اغمق كلما زاد تركيز الزلال )

    وفي طريقه قديمه واللي فيها بنحط البول في انبوبة شفافه وتكون انبوبه زجاج طويلة شويه ونملي2/3 منها ونسخن الجزي العلوي من البول ---- طيب ليه الجزء العلوي )

    اللي يعرف يقول لي

    علشان لو في زلال حتلاحظ ان العكاره اللي في البول بتزيد( عكاره لونها ابيض ) --ساعتها بقي نقدر نقارن بين درجه عكارة البول قبل التسخين وبعد التسخين -- علشان نقدر نحدد كمية الزلال ( كلما كانت العكاره اغمق كطلما كان تركيز الزلال اعلي )

    طيـــب ممكن واحد يقولي ان العكارة دي ممكن يكون سببها حاجة تانيه غير الزلال ...اقوللك مظبوط

    بس بص الشرح ----------

    قفلنا لو البول معكر -------------نسخن البول ( ونشوف النتيجه )
    1- لو العكارة اختفت ( يبقي العكاره عباره عن املاح اليورات او الفوسفات )
    2-طيب لو زادت يبقي ساعتها دا بروتين 100% نتأكد بايه --نتاكد بوضع نقط من Acetic Acid يكون تركيزه 3% لو زات العكارة يبقي بروتين

    خلاص كــــــــــده

    طيب انا لو لقيته في البول الكلام ده معناه ايه ---------------- بص يا سيدي


    **أول حاجه تعملها تشوف المريض دا ست ولا راجل **طيب لـــــــــــــــــــــيه
    لان لو ست ممكن تكون حامل وساعتها الزلال ده طبيعي يكون عندها ---برضك ليه لان الجنين بيضغط علي الكليتين ويخليها ما تتحكمش في عدم نزول الزلال ( لانه طبيعي مش مفروض ينزل في البول

    **طيب لو راجل او ست مش حامل الكلام ده طبعا في حالات كتيره منها التهاب الكلي - الفشل الكلوي -التهاب الجهاز البولي عموما ) لان الكلي ساعتها مبتقدرش تتحكم في نزول الزلال -

    **طيب دا ممكن يكون طفل صغير يعني من ( سن 7 - 15سنه ) اوعي تقول لابوه ابنك عنده مشكله في الكلي زي ما حصل مع دكتور صاحبنا اسمه شروفه ---------يا عم ازاي ما انت لسه قايل .
    بص يا سيدي الولد ده ممكن يكون عنده حاجه في الكلي صحيح بس دا مش الاحتمال الوحيد ----------- يعني خلي موضوع الكلي دا اخر حاجه
    -برضك اكيد انت مش فاهم -* بص ياسيدي الواد ده ممكن يكون عنده حاجه من دول وده اللي بيكون موجود غالبا 1- يكون عنده سخونيه ( يعني السخونيه تزود الزلال - اه طبعا )
    2- ممكن يكون عند التهاب في اللوز ( ودا طبعا بيزود الزلال بتاع البول مش الدم)


    ودا تقريبا كل حاجه عن الزلال


طيب هو ايه البليروبين اللي بتقول عليه ده ؟

البليروبين باختصار هو ناتج تكسير كرات الدم الحمراء ونشرحه بالتفصيل ان شاء الله في تحليل البليروبين في الدم .وهو عبارة عن حاجه طبيعية موجوده في الدم ونسبته متعديش الواحد الصحيح مجم/ ديسيلتر.
ولو عدت النسبه الواحد نسمي الحالة Hyperbiliubinaemia

اما لو عدت 2.5 ساعتها نسميها مرض الصفراء او اليرقان بالعربي Jaundice

تمام كده--نيجي بقي للعملي


طبعا التحليل ده مبينطلبش لوحده الا نادرا واحنا طبعا بنعمله في تحليل البول الكامل

المهم انك في المعمل لو بتشتغل بالشرايط يبقي كده كده كل عينه هتشوف فيها صفرا ولا لا

يبقي لو الشريط عطا ايجابي يبقي في بيليروبين في البول

-- الطريقة التانية وهي القديمه لكنها تستخدم للان ---------------------

طبعا مش كل عينه هنعماها الاختبار ده -------------------------

طيب امال بتعمل لانهي عينه

بصوا يا جماعه العينه اللي نشك ان فيها صفرا لازم نعملها اختبار الصفرا --طيب امتي اشك

تشك لما تبقي دبوس ------ بهزر

بص يا سيدي لما يكون لون البول قريب من لون الشاي ( اي درجه من درجاته )

نملي تلتين انبوبة زجاج بالبول بعد ما يدور في السنترفيوج وبعديـــــــــــــــــــــــــ ــــن

نحط علي جدار الانبوبه ( يود او صبغة يود من الصيدليه )

تلت او اربع نقط ---------------طيب هتشوف الاتي

1- لو سلبي لون البول هيبقي زي ما هو واليود هينزل تحت ويختلط بالبول

2- لو ايجابي يبقي هتشوف عند ىالتقاء البول باليود تكون حلقه لونها اخضر

كلمــــــــــــــــــــــــه اخيــــــــــــرة

لو لقيت البليروبين موجوده في البول يبقي دي النوع الماشر من الصفرا

لان النوع الغير مباشر مبينزلش في البول .
باقى دلوقتى انك تشوف
 بعض الصور لتحليل البول تحت الميكرسكوب

Urine Microscopic Examination:

[ amorphous urate crystals ]
****************************** **


amorphous phosphate crystals
******************************


Ca Oxalate crystals 1
************************

Epithelial cells
***************************

Bilirubin
**********************

Pus (WBC's

========================

تابعونا على جروب انا الصيدلى
http://www.facebook.com/groups/AnaAlsaidaly
===================
تابعونا على
صفحة انا الصيدلى
http://www.facebook.com/Ana.AlSaidaly
شير من هنا ...
http://goo.gl/Bxi93
===============

وبكددا نكون خلصنا اول حاجه وهى تحليل البول..انتظرونا فى

CBC analysis

تحليل الدم .

اللقاء رقم 4 تحليل البول urine analysis

 

أول حاجه في تحليل البول هي Physical Examination
وفيه اربع حاجات مهمه
1-الحجم Volume( حجم العينه ) بس دا مهم في حالات تجميع البول/24 ساعه
2-الشفافية(Aspect) ودي اللي قولنا عليها العينه معكره ولا لا ولو معكرة معكرة جامد ولا نص نص يعني Turbid أو S.Turbid يعني Semi turbid  

  3-اللون Colour
طبعا اللون الطبيعي للبول اللي هو اللون الاصفر القاني Amber yellow تمام كده
ولكن لون البول بيختلف في درجات الاصفر حسب تركيز المواد الصلبة اللي فيه ( الاملاح - الصديد - الدم - الخلايا البشرية -الزلال -البكتريا .... الخ )

يعني ايه درجة تركيز لون البول يعني الفترة اللي بيتحبس فيها البول
برضك يعني الفترات بين دخول الحمام ---يعني كل ما طالت الفترة بين دخول الحمام يكون تركيز البول اكتر --
الحالات المرضية اللي بيتغير فيها لون البول

1- لو اللون زي لون المياه العاديه Watery دا بيكون غالبا في حالات السكر بنوعية
Diabetes Militus And Diabetes Insipidus

2- طيب لو اللون محمر Reddish دا غالبا بيكون في حالة وجود دم Red Blood Cells وطبعا دا بيكون سببه غالبا املاح كتيرة جدا او حصوة في المسالك البولية او التهاب في غدة البروستاتا او البلهارسيا البولية-أو في الستات ممكن تكون بسبب الدورة الشهرية .وفي بعض الاحيان في علاجات بتغير لون البول للون الاحمر ......طبعا لو مفيش حاجة من اللي قلنا عليها نسأل المريض لو بياخد علاج ولا لا .

3-طيب لو اللون مدخن Smoky دا طبعا بيكون سببة يا اما نسبة صديد عالية Pus cells او خلايا بشرية Epithelial cells او بكتريا .

4- اللون الحليب Milky دا بيكون في حالة املاح اليوراتAmorphus Urate او الفوسفاتAm.Phosphate بس خلي بالكم من لون الراسب غير لون البول نفسه

5- اللون الاسود Black دا بيكون في حالة الدم القديم او الحالة المرضية اللي بنسميها Alkapton bodies ودي حالة نادره بتون نتيجة خلل وراثي في الميتاوبلزم )

6- االلون الاصفر الغامق خالص او البرتقالي او بالبلدي كده لون الشاي يبقي الحالة دي هي حالة الصفرا Jaundice ودي طبعا بتكون واضحة علي جسم المريض -- يعني بتلاقي لون الاوعية الدموية في بياض عينه او جلده بيكون لون اصفر .ودي اختبارها في المعمل ساهل جدا


طيـــب ازاي اعرف عينه البول فيها صفرا ولا لا -----

تملي الانبوبه بالبول 2/3 ونضيف 3 نقط اليود علي جدار الانبوب ( طبعا الانبوبة لازم تكون شفافه علشان تشوف النتيجه ) او لو مش متوفر ممكن نستخدم صبغة اليود من الصيدلية

-- برضك لسه معرفناش النتيجه --------------- بص يا سيدي لو الصفرا موجوده بتتكون حلقة لونها اخضر عند التقاء اليود مع سطح عينه البول ( يعني الحد الفاصل بينهم )

طيب لو مفيش حلقه خضره بسيطه خالـص
يبقي مفيش صفراء


رقم 4 في Physical proparties هي الكثافة النوعية للبول Specific gravity

واختصارها SP.GR. وفي بعض الاحيان بتتطلب لواحدها في حالات الفشل الكلوي المزمن

--------والطبيعي بتاعها من 1015-1025 جم/سم3 -------------------

برضك لسه معرفناش ايه هي الكثافة النوعية ( يعني مقدار تركيز المواد الصلبة في البول )
يعني كلما زادت المواد الصلبة ( زي البروتين - الاملاح- الصديد- الدم ...الخ ) تزيد الكثافة -


--- ملحوظة-- كلما زاد غمقان اللون كلما زادت الكثافة والعكس صحيح ..
طيب ازاي نتشغالها عملي ( في طريقتين واحدة قديمة والتانية جديدة )
----- القديمة تحلي ولو كانت وحله---يعني انا بصراحه بحب شغلها == تمام *****
دي بتبقي بجهاز اسمه Urinemeter عبارة عن سلندر بتتملي بالبول ( 50 مل ) وعاه مكثف
حاجه كده يعني عاملة زي الترمومتر مدرجه من 1000 --الي 1050 **

بعد ما نملي السلندر بالبول نضع المكثف عموديا بس بشرط ما يلمسش جدار السلندر وخلي بالك من درجة الحرارة حنقول لية - المهم تشوف سطح البول عند رقم كام في المكثف ودا هو الكثافة النوعية ---

احنا قلنا درجة الحرارة ليـة علشان احنا مفروض نقيس عند درجة حرارة 15 ------------طيب الحل اية -----بص يا سييدي الحل بسيط كل 3 درجات زيادة عن 15 تزود بيها درجة في الكثافة يعني لو انت قريتها 1015 والحرارة كانت 18 تبقي الكثافة في الاخر 1016 ---طيب لو الحرارة اقل من 15 نفس الحكاية بس تنقص مش تزود يعني لو الحرارة 12 والقراءة 1015 تبقي القراءة النهائية 1014

ودي معادلة لدرجات الحرارة الاخري

Sp.Gr At 15 C = (Room Temp.-15) / 3+ Reading

وبكده نبقي خلصنا Physical proparties

ونكمل فى اللقاء القادم ان شاء الله .

■■■■■■■■■■■■■■■■■■■■■■■
تابعونا على
صفحة انا الصيدلى
http://www.facebook.com/Ana.AlSaidaly
شير من هنا ...
http://goo.gl/Bxi93
===============
تابعونا ايضا على مدونة انا الصيدلى
http://anaalsaidaly.blogspot.com/
====================================
ان شاء الله بعد نهاية تحليل البول...سيتم كتابة كل المواضيع فى ملف واحد وهنزله هنا ع الجروب وهكذا مع كل تحليل ....

اللقاء رقم 3 تحليل البول urine analysis

 

الأن طريقة اجراء تحليل البول في المعمل ومحاضرة هامة للدكتور :
عماد الصباغ ( أخصائي تحاليل )

النهاردة حنبدأ باخيبار البول

الدكتور بيطلبه ازاري

1- ممكن يقول للمريض اعملي تحليل بول أو
2-يكتب له ريكوست مكتوب فيه
Complete Urine Analysis
CUA
Urine
بول أو تحليل بول أو تحليل بول كامل

*طيب الدكتور بيطلبة ليـــه

1- لو المريض عنده حرقان اثناء التبول ( علشان يشوف في املاح اوصديد ولا لا
2-لو المرض عنده تقل في جنب او الاتنين مغص كلوي
3-لو بيروح الحمام بالليل كتير او بيشرب ميه كتير


** بعد كده نيجي لدور المعمل في الموضوع دة

1- تجميع العينه : يفضل اول عينه الصبح ( لان تركيز كل حاجه فيها عالي ) بس يعني لو الدكتور باعته يعنل تحليل اوعي تقوله تعاي بكرة ليهرب منك ويروح معمل تاني يعني احن بنقول أفضل مش لازم
2-برضه لو تسأل المريض انت بتشكي بايه او بتحس باية من باب العلم بالشئ وللربط بين اللي حيبان قدامك تحت الميكروسكوب والحاله بتاعة المريض

3-شوف شكل العينه ( معكرة ولا لأ ) وحنقول ليه بعدين

4- تاخد العينه من المريض وتدورها في السنترفيوج من 2 -5 دقايق علشان ترسب العكارة اللي فيها .حتلاقي عنك في قعر الانبوبة راسب ويمكن متلاقيش

5-طيب لو لقيت الراسب يكون ايه
------ علي حسب لون وبعد كده فحصه تحت الميكروسكوب ---------
--- ممكن يكون واحد من الحاجات اللي حقولها-----------------
****1- أملاح امورفس يورات او فوسفات (Amorphos Urate Or Amorphos Phosphate ده برضك علي حسب الوسط يعني الاتنين تحت الميكروسكوب زي بعض لكن راسب اليورات لون بنك في الانبوبة ووسطه حمضي اما الفوسفات فبيكون لون ابيض في الانبوبه ووسطه قلوي

***2- خلايا بشرية ( Epithelial Cells ) ودي بتكون في الستات كتيرة وطبيعيه لان مصدرها من ال Urethra

  طبعا الكلام دا كله مقدمه نيجي بقه للكلام الصح

ونكمل فى اللقاء القادم ان شاء الله .
=================================
اللقاء الأول من هنا

اللقاء الثانى من هنا 

■■■■■■■■■■■■■■■■■■■■■■■
تابعونا على
صفحة انا الصيدلى
http://www.facebook.com/Ana.AlSaidaly
شير من هنا ...
http://goo.gl/Bxi93
===============
تابعونا ايضا على مدونة انا الصيدلى
http://anaalsaidaly.blogspot.com/
====================================
ان شاء الله بعد نهاية تحليل البول...سيتم كتابة كل المواضيع فى ملف واحد وهنزله هنا ع الجروب وهكذا مع كل تحليل ....

اللقاء رقم 2 تحليل البول urine analysis

وحنكمل دلوقتي تحليل اليورين (urine )

واخر حاجة اتكلمنا عنها هي ظهور الجلوكوز في البول وهذا يدل بشكل كبير

عن وجود مرض السكر ولكن يجب عمل تحليل سكر في الدم للتأكد من

وجود السكر وقد ذكرنا السبب سابقا

ثانيا احنا قولنا انه بيبان سكر في البول ولكن مش بقدر احدد نوعه . هل دا

مريض من النوع الاول ويبدأ ياخد انسولين

او من النوع الثاني ويبدأ ياخد حبوب ؟؟؟

ودا الي احنا حنعرفه من تحليل البول من خلال متابعة الكيتون (ketones bodies )

بحيث ان ظهور هذه الاجسام في البول تدل على ان جسم المريض لا يوجد به

انسولين يعني مريض من النوع الاول وهو يحتاج الي انسولين ولكن لا ننسى

انه من الممكن ظهور اجسام الكيتون في البول في حالة المجاعة او ان الانسان مش

بياكل كمية قليلة جداا من الكاربوهيدرات وفي هذه الحالة مش حيظهر اساسا سكر في البول ياريت يكون كلامي واضح

حقول نبذة مختصرة عن مرض السكر علشان نفهم النقطة دي كويس

طبعا احنا عارفين انه يوجد انواع كثيرة من مرض السكر انا مش حتكلم عليهم كلهم ولكن انا حتكلم ع الي يهمني من النقطة دي

يعني يوجد النوع الاول وهذا النوع يفتقد الخلايا التي تفرز الانسولين وبالتالي فهو يحتاج الي انسولين من الخارج

وبما أن الانسولين من ضمن وظائفه بيمنع تحويل (free fatty acids ) الي (ketone bodies )

وبالتالي في حالة عدم وجود الانسولين حيبدأ يظهر اجسام الكيتون في البول

(النوع الاول ) التي يتم اخراجها عن طريق الكليتين وبذلك بنقدر نحكم على نوع

السكر من خلال هذه الاجسام وحاجة الجسم للانسولين او الحبوب

كمان فية حتة جميلة ودي ممكن اشوفها في المريض وأقدر اتوقع نوع السكر

حيث انه يوجد نوع من اجسام الكيتون هذه يسمى بـ acetoacetate ودا بيتحول عن طريق الكبد الي acetone

الذي يتم اخراجه عن طريق الرئتين

والاسيتون له رائحة الفواكهة التي تخرج عن طريق التنفس وتستطيع تميزه

في نفس المريض وبالتالي هذا يدل انه مريض سكر من النوع الاول اكيد واضح كلامي

علشان كدا بنقول ان مريض السكر بيحتاج متابعة باستمرار ومراقبة بحيث انه

كل فترة يتم اجراء تحليل بول ومراقبة اجسام الكيتون خصوصا اذا كان من

النوع التاني ليييييييييييييييه؟؟؟

لانه في بعض الاحيان يتم عمل تحليل بول مثلا نرى فيه وجود سكر وعدم وجود اجسام كيتون تمام

بديهي حنطلب تحليل سكر في الدم تمام

وبالفعل ظهر انه مريض سكر وبما أن ما فيش اجسام كيتون في تحليل البول يبقى

المريض الي عندي دا مريض سكر من النوع التاني الذي يحتاج الي حبوب زي

سالفونيل يوريا (sulfonylureas drugs ) وبمجرد تناول المريض للعلاج بدأ

يتحسن ثم بعد فترة سنة او اكثر او اقل بدأ المريض يشتكي من اعراض زيادة

السكر ؟؟ فما الامر وماذا حدث وكيفية التصرف مع هذه الحالة ؟؟

الاجابة :

أن هذا المريض ليس من النوع الاول ولا النوع الثاني ولكن يسمى 1.5 او المتأخر

بمعنى انه في البداية بتعامل معاه ع اساس النوع التاني وبيبدأ ياخد المريض حبوب السكر (في هذه الحالة الانسولين موجود ولكن خلايا قليلة في البنكرياس هي لم يحدث لها تدمير كامل وبالتالي مازال نسبة من الانسولين موجودة بتكون هذه النسبة قادرة على منع ظهور الكيتون في البول وقادرة ايضا على احتياجات الجسم من الانسولين في هذا الوقت )
ولكن هذا المريض (او اي مريض سكر يحتاج متابعة ع الاقل بتحليل بول ) سرعان ما يتم تدمير كامل للخلايا الباقية التي تفرز الانسولين وبالتالي يظهر الكيتون في البول وهذا دليل ان النوع التاني تحول الي النوع الاول

وبالتالي هذا المريض من الضروري ان يأخذ انسولين مع حبوب السلفونيليوريا

ارجو ان تكون الاجابة واضحة

ونكمل فى اللقاء القادم ان شاء الله .
=================================
اللقاء الأول من هنا

■■■■■■■■■■■■■■■■■■■■■■■
تابعونا على
صفحة انا الصيدلى
http://www.facebook.com/Ana.AlSaidaly
شير من هنا ...
http://goo.gl/Bxi93
===============
تابعونا ايضا على مدونة انا الصيدلى
http://anaalsaidaly.blogspot.com/
====================================
ان شاء الله بعد نهاية تحليل البول...سيتم كتابة كل المواضيع فى ملف واحد وهنزله هنا ع الجروب وهكذا مع كل تحليل ....