دورة التحاليل الطبية ..تحليل البول (1)

• 
  
  
  
  
  
  
  

  بسم الله الرحمن الرحيم
  ■■■■■
  سنبدأ اليوم بإذن الله ....دورة التحاليل الطبية...هنتعرف فيها على معظم التحاليل اللى هتقابلنا كتيير فى حياتنا العملية...هنتكلم فيها عن :
  1-تحليل البول (urine analysis)
  2- تحليل الدم (cbc)
  3- تحليل سرعة الترسيب (esr )
  4- تحليل البراز ( stool analysis)
  5- تحليل مزرعة البول ( urine culture )
  6- تحليل السائل المنوي ( semen analysis )
  7- تحليل ( aso )
  8- تعيين نسبة الكرياتينين بالدم
  9- قياس زمن النزف ( bt )
  10- تحليل البصاق
  11- قياس زمن التجلط ( ct )
  12- تحليل السكر في الدم والبول
  13- وظائف الكبد
  14- اختبار الحمل ( hcg )
  15- تحليل فصيلة الدم ( blood group)
  16- عامل ريسس ( rh )
  17- الكشف عن السموم والمخدرات
  18- تحليل cholesterol
  19- sex hormones
  20 thyroid hormones
  21-كيفية قراءة التحاليل الطبية
  22- امثلة للتدريب على تحاليل مختلفة
  23- جمع عينات الدم ( collection of blood )
  24- اجراءات السلامة في معامل التحاليل
  ====
  هذه النحاليل منقولة من بعض المنتديات الطبية..وليست من جهدى الشخصى.
  =============
  ونبدأ بأول موضوع وهو عن :
  أولا : تحليل البول urine analysis
  ■■■■■■■■■■■
  كتبه الدكتور عمرو القاضي :
  
  تحليل الــ
  urine
  
  وهذا التحليل مهم جداا لمعرفة أو التنبأ بوجود خلل سواء أكان في وظائف kidney أو
  
  urinary tract disease أو وجود امراض اخرى
  
  (systemic disease ) لذلك عاوزين نركز على كل حاجة في هذا التحليل البسيط لان فيه استفادة جامدة جدااا ان شاء الله
  
  بسم الله
  
  تحليل اليورين يشتمل على الاتى
  
  1-- Appearance
  
  يعني شكل أو لون اليورين دا ايه
  
  حيث يكون اللون الطبيعي من اصفر شاحب (pale yellow ) الى الاصفر الذهبي الغامق (deep gold )
  
  و أي تغيرات في اللون تدل على وجود حالة مرضية أو نتيجة استعمال دواء معين .
  
  فعلى سبيل المثال لون البول الاحمر يدل على اشياء كثيرة ومن ضمنها وجود الدم به
  لون البول بني مصفر يدل ان البول يحتوي على conjugated bilirubin
  
  أما اذا كان اللون درجات اخرى من الاحمر او البرتقالي او البني بيكون في الغالب من استعمال بعض الادوية
  
  مثل rifampin
  
  2-- specific gravity
  
  النسبة الطبيعية تكون من 1.003 الى 1.035
  
  في حالة زيادة sp.gr دا بيكون ناتج عن diabetes mellitus نتيجة زيادة الجلوكوز في البول
  
  
  أما في حالة نقص sp.gr دا يحدث في حالة diabetes insipidus نتيجة استهلاك الماء الكثير مما يقل تركيز اليورين
  
  أما لو sp. gr كانت 1.010 وهي نفس sp.gr بتاعة البلازما مما يدل على أن الكلى غير قادرة على تخفيف urine أوتركيزه .... kidney disease
  
  وهنا يجب ارشاد المريض لعمل تحليل وظائف الكلى لمعرفة نوع الخلل وشدته
  
  
  3- protein
  
  
  وجود البروتين باليورين مما يدل على وجود أي من هذه الاحداث سواء
  
  renal disease,bladder infection,venous congestion ,fever
  
  ولكنوجود نوع معين من البروتين من الممكن ان يرشدني الى وجود مرض معين ففي حالة وجود
  bence jones protein
  دا يدل على وجود مرض multiple myeloma أما وجود
  
  albumin protein وهو غالبا ما يوجد دا يدل انه من الممكن وجود خلل
  
  بــ glomerular permeability
  
  
  وفي هذه الحالة يجب ارشاد المريض لعمل تحاليل وظائف الكلى
  
  
  4-glucose
  
  طبعا الجلوكوز مش بيظهر في اليورين الا بعد ما يزيد عن 180 مليجرام بالدم في هذه الحالة يبدأ يظهر في البول
  
  ووجود السكر بالبول يدل على وجود مرض السكري ولكن يجب عدم الحكم على مريض بالسكري الا من خلال
  
  تحليل الدم من الممكن ان يوجد عيب بالكلى وأنها
  
  تسمح بمرور السكر حتى وان كان اقل من 180 ودي بنسميها
  
  lowered renal threshold for glucose
  
  لذلك عند وجود السكر بالبول يجب اجراء تحليل دم للتأكد من وجود السكر من عدمه
  
  ولكن اذا تأكدنا انه مريض سكر diabetes mellitus فكيف لي ان احكم عليه انه مريض سكر
  
  من النوع الاول او النوع التاني ؟؟؟ يعني ان المريض بحاجة الى الانسولين ام لا؟؟
  
  ودا حنعرفه مع بقية التحليل ان شاء الله
  
  ولنا تكملة لتحليل اليورين ان شاء الله تعالى ...
  ■■■■■■■■■■
  تابعونا على
  صفحة انا الصيدلى
  http://www.facebook.com/Ana.AlSaidaly

  جروب انا الصيدلى
  

  http://www.facebook.com/groups/AnaAlsaidaly/

  
  

  شير من هنا ...
  http://goo.gl/Bxi93
  
  
  
  ان شاء الله بعد نهاية تحليل البول...سيتم كتابة كل المواضيع فى ملف واحد وهنزله هنا ع الجروب وهكذا مع كل تحليل ....
  انتظرونا فى الحلقة القادمة .
  ■■■■■■■■■■

الترامادول .. أنواع الترامادول واستعمالاته .. الأضرار والعلاج منه

س : ما هو عقار الترامادول ؟
جـ : الترامادول هو احد مشتقات المورفين يستخدم كقاتل للالم فى حالات الالام الحادة والمزمنة مثل الالام ما بعد الجراحة والالام السرطان .

س : هل للترامادول استعمالات اخرى ؟
جـ : الترامادول اساسا يستخدم كقاتل للمرض لكن للاسف البعض يستخدمة لاغراض اخرى لا يتناسب ضررها مع الضرر الذى يسببة استخدام الترامادول لفترات طويلة وهذه الاغراض مثل علاج سرعة القذف عند الرجال و منشط للجسم خصوصا عند السائقين والاشخاص الذين يعملون بمهن تطلب مجهود جسدى او تطلب العمل لساعات طويلة كما ان البعض يسرفون فى استخدامة كمسكن للالام الخفيفة التى لا تتطلب لمسكن قوى كالترامادول



س : هل الترامادول يسبب الادمان ؟
جـ : الترامادول كما سبق وذكرنا انة احد مشتقات المورفين وعند تناولة باستمرار يوقف الافراز الطبيعى لمادة الاندورفين التى يفرزها الجسم لمقاومة الالم وبالتالى عند ايقاف الترامادول لا يتحمل الجسم الالم وبالتالى يجبر المريض على تناول الترامادول مرة اخرى فيعتمد علية جسديا ونفسيا وهذا هو الادمان .

س : هل هناك اضرار اخرى للترامادول ؟
جـ : بالطبع نعم فمن اعراضة الجانبية البسيطة صداع _ غثيان _ دوار اما الاضرار الخطيرة فهى التشنجات _ صعوبة التنفس _ خلل وظائف الكبد وبعد الادمان علية يحدث تلف فى خلايا المخ _ خلل فى وظائف الكلى _ خلل فى الرؤية _ فقدان الشهية _ التصرفات غير المحسوبة التى تسبب بالطبع مشاكل اجتماعية خطيرة _ الضعف الجنسى الحاد الذى يصعب علاجة _ الخمول وعدم القدرة على العمل او المذاكرة _ الاكتئاب الشديد .

س : ما هى الاعراض الانسحابية للترامادول ؟
جـ : الاعراض الانسحابية معناها الاعراض التى تظهر على مدمن الترامادول عند التوقف فجاءة عن تناول الترامادول وهى ارتفاع ضغط الدم _ التعرق _ الارق _ الكوابيس _ الارق _ القلق _ رهاب الخلاء _ صعوبة التركيز _ تقلصيات عضلية لا ارادية وعدوانية _ تهيج _ فقدان الذاكرة المؤقت .



س : ما هى التفاعلات الدوائية للترامادول ؟
جـ : المقصود بها تفاعل الترامادول مع ادوية خرى اذا ما تم اخذهم فى نفس التوقيت . اما بالنسبة للتفاعلات الخطيرة فتحدث عند اخذ الترامادول مع السيمتدين ومضادات الاكتئاب وحتى الكولا .


س : كيف يتم معالجة مدمن الترامادول ؟
جـ : لابد من استشارة طبيب متخصص فى علاج الادمان لان الاعراض الانسحابية للدواء قاتلة .

س : ما هى المستحضرات الطبية المستخدم فيها مادة الترامادول ؟

جـ : الترامادول وهو عبارة عن كبسولة نصفها ابيض والنصف الاخر برتقالى انتاج شركة ممفيس او كبسولة خضراء من انتاج شركة اكتوبر للادوية.

امادول وهو عبارة عن كبسولة صفراء فاتحة اللون انتاج شركة ادوية .

كونترامال وهو عبارة عن كبسولات 50 مجم او اقراص 200 مجم او نقط من انتاج شركة سيجما.

تامول وهو عبارة عن اقراص بيضاء اللون فى علبة شفافة 200 مجم من انتاج شركة الكان .

تراما اس ار وهو عبارة عن اقراص بيضاء فى علبة بيضاء غير شفافة من انتاج شركة جى ان بية .

ترامال كبسولات نصفها برتقالى والاخر اخضر فى علبة بيضاء غير شفافة وايضا يوجد منها نقط من انتاج شركة مينا فارما.

تراماكس كبسولات نصفها ابيض والاخر ازرق فى علبة شفافة مرصوصين مائلين من انتاج شركة هاى فارم .

ترامودين اقراص بيضاء فى علب شفافة من انتاج شركة ام يو بى .
الترادول حبوب مستطيلة مسطحة ومنها اقراص فى برطمانات صغيرة ومن حقن تشبة المياة فى زجاجات شفافة .

الفرسة رقم ( 12 ) .. جزمة ثقة ..

 

 

كانت غلطة عمرنا , اللى حنفضل نادمانين عليها "حتى يتوفانا الله" , هى أننا أسرعنا بفتح هذه الصيدلية قبل تخرجى .. كان هدفنا نبيلا فى هذا الوقت , .. كنا نعلم أن الصيدلية ستعانى فى البداية من قلة عدد المترددين عليها .. فأردنا أن نفتتح الصيدلية "بدرى بدرى" , - قال إيه- عشان الصيدلية "يبقى لها زبونها" اللى يبقى جاهز ساعة لما أتخرج .. يعنى ما يبقاش ساعة تخرجى اسمى "ابتديت مع الصيدلية دى من الصفر" ..
يا ريتنا ما عملنا كده .. !! .. عارف ليه ؟! ..
عشان الصيدلية اتفتحت فعلا و انا لسه فى الدراسة , .. طب و ف أيام الأجازات ..؟!
-هيه يا حمادة ؟! .. مش حتروح صيدليتك يا حبيبى ؟! ..
-لا يا أمى .. ورايا مذاكرة كلينيكال و بعدين أنا لسه بادّرب .. يعنى ما ينفعش أقف ف صيدلية لوحدى
-طب و ايه يعنى ؟! .. خد ورقك و محاضراتك و ذاكر هناك .. بدل ما تقعد تتخانق مع اخوك هنا ..
-حاضر يا ماما .. (بر والدين بقى) ..
و اروح الصيدلية .. و يبقى اسمى هناك : الدكتور أحمد راح .. الدكتور أحمد جه ..
و الناس هناك متعودة على إن خريج الثانوية العامة "علمى علوم أبو مجموع طب" هو دكتور و رئيس قسم حتى قبل ما يخطو أولى خطواته داخل الكلية ..
و تنزل ساعتها الأسئلة الطبية المعقدة ترفّ على دماغى ..
اللى إيده مكسورة و عايزنى أجبّسها له ..
و اللى دخل ف رجله خابور "مش مسمار و بس يعنى" و عايزنى أدّيله حقنة تيتانوس و أخيطهاله كمان ..
و اللى مراته تعبانة و جاى يحكيلى على أعراضها و عايزنى أعالجها له غيابيا .. (المصيبة إنى كنت كل ما اسأله على حاجة عنها يقول لى : "ماعرفش و اللهِ" )
ده غير اللى عايزنى أقرا له روشتة فيهم 16 صنف مافيش فيهم ولا واحد عارف اقراه ..
كل ده وانا لسه ف تانية أو تالتة ..
و طبعا كنت ساعات بـ"اتشملل" و اوصف علاج للناس و ساعات كنت باقول "ماعرفش" .. و فى الحالتين كان الزبون بيمشى من قدّامى و ماشوفش وشه بعد كده ..

يعنى تولدت بينى و بين أهل البد "أزمة ثقة" ..

و ده كان أول سبب من أسباب الـ"أزمة دى" .. ألا و هو فتح الصيدلية "بدرى بدرى" ..
أما يا سيدى تانى سبب هو إن الصيدلية – بعيد عنك – ما بيعيشلهاش بنات .. أقصد يعنى ما بتثبتش فيها عاملة .., و ده لأن دايما الصيدلية وشها حلو "عليهن" .. مافيش واحدة دخلتها إلا و طلعت منها مخطوبة .. و طبعا خطيبها بيكون "حمش" و عايز "يستتها" فى البيت .. إذن تذهب العاملة إلى حال سبيلها ليبدأ بعدها فاصل جديد من البحث و التمحيص و سؤال طوب الأرض عن عاملة جديدة ..
لكن خليك ثوانى مكان الزبون اللى دايما يدخل الصيدلية و يسألنى باستهجان:
-أمال فين"فلانة" ؟!
-لا .. سابت الصيدلية عشان خطبتها قريب ..
-(ناظرا باستهجان أشد) .. آاااه .. طيب ..
متهيأ لى مش محتاجين نفسر أكتر من كده ..
ده كان السبب التانى ..

أما السبب التالت يا سيدى فهو كالآتى ..
حتى وقتنا هذا , يأتى معظم الزبائن إلى الصيدلية و يخرجون على أمل أن يجدوا علاجهم كاملا عند المغرب من نفس اليوم .. أى نعم .. حتى الآن لا نستطيع أن نجزم أن الصيدلية قد اكتملت ..

مافيش فيكى يا صيدليتنا المصون روشتة طلعت منك فى الكيس البلاستيك و جنبها الأصناف اللى مكتوبة فيها على مرة واحدة أبدا .. دايما كنت تلاقى على لسانى الجملة دى :
-و اللهِ الصنفين دول مش موجودين دلوقتى .. و ان شاء الله لو جيت ع المغرب كده حتلاقيهم بإذن الله ..
و كنت تلاقى الزبون ينظر لى فى غيظ ثم فى استسلام .. فقد استوليت على الروشتة .. و غالبا لا أرى هذه النوعية من الزبائن مرة أخرى ..
و آخر هذه المواقف جرى منذ ساعة واحدة ..
السيدة الفاضلة تقذف فى وجهى طوبًا و زلطًا , و لكن على هيئة كلمات مسموعة ..
قالتها فى وشى بصراحة كده:
-يا دكتور أنا ما "بجيتش" باجيب معظم الدوا بتاعنا إلا من دمنهور عشان كل ما نيجى هنا بروشتة مانلاقيهاش كاملة ..

إيه الذوق ده كله ؟! .. بقّها بينقّط سكر يا اخواتى .. !!

و يا ريت على كده و بس ..
طب حد يدّينى عقل على عقلى عشان أعرف "أبلع" الموقف اللى حاقوله لك ده ..

-أوامرك يا حاج عبد العليم ..
-عايز شريط بارامول ..
-عينيّه يا حاج .. هاتى شريط يا شيماء .. .. .. (و انا باناولهوله بإيدى) .. اتفضل يا حاج .. جنيه بس
-ده بارامول ؟!
-آه يا حاج .. بارامول ..
-(بنظرة ملؤها الشك) طب هات العلبة كده
-(و انا مستغرب) اتفضل يا حاج .. خير ان شاء الله !
-(بابتسامة فلاحى ناظرا فى الاسم على العلبة) آه فعلا .. طلع بارامول ..

و يخرج من الصيدلية دون إضافة كلمة واحدة ..

الله يكرمكوا حد يقول لى الراجل ده كان يقصد إيه غير المعنى اللى فى دماغى ..
يعنى الراجل ده كان مستصغرنى و لا مش "مسدكترنى" .. ولّا خايف لأطلع له شريط "سم هارى" .. ولّا إيه بالظبط ..؟!

حد يقول لى اعمل إيه فى الورطة دى ؟!

الفرسة رقم ( 11 ) .. يا عيالك يا شراقوة ! ..

 

إيه العيال دى كلها ؟!
درسنا قبل كده إن الست ممكن تخلف كل 7 شهور على الأقل ..بس انا حاسس إن القاعدة اتكسرت و الرقم القياسى ده اتكسرعندنا فى الشراقوة .. ف يوم كده و انا فى الصيدلية عديت العيال اللى بيدخلوا الصيدلية و عديت الرجالة و الستات اللى بيدخلوا ف نفس اليوم .. تخيلوا النسبة تطلع إزاى ؟! .. ممكن نقول 1:10 أو 1:20 .. بجد مش هزار .. !

أهو تلاقيك دلوقت بتقول: و حد طايل ؟! .. ده العيال أحباب الله .. حد يكره إنه يبقى طول النهار قاعد بيلعب مع العيال .. اللى يضحك له .. و اللى يزغزغه .. و اللى يهزر معاه .. و اللى يبوسه .. .. يا سلام .. ده انت ف نعمة يا راجل و مانتش حاسس بيها .. !

بس على فكرة ... يا ريت عيال البلد عندنا زى بقية عيال العالم ..
أنا متهيألى أمهات العيال دول ماكانوش بيتوحّموا إلا على أكلات مرعبة .. كوبايتين دم .. عصير سحالى .. مسحوق جماجم .. و كل ده عشان يكون إنتاجهم بالشكل ده .. يا حبيبى العيال اللى عندنا فى البلد , كلمة "عفاريت" قليلة عليهم .. و الشياطين أكيد بتخاف منهم .. م الآخر كده: كوكتيل غتاتة ..

تلاقيه داخل لك الصيدلية فى كل براءة .. و أهم ما يميزه ساعتها هو كونه "حافى" .. و ده لإن البيت جنب الصيدلية , فالعملية مش مستاهلة "جزم" ..
و بعدين تقعد بقى تفك فى الشفرات و الطلاسم اللى حيرميها ف وشك ..
يعنى تعمل إيه لو لقيت "الأمّور" ده بيقول لك : أمى عايزة جزازة "إييونيي" ..
تقعد انت بقى تحزر و تفزر .. و تفتح الإندكس و تفتح المندل و تستطلع أحوال الكواكب , لمجرد إن والدة هذا الطفل الفاضلة قررت إنها تبعت لى ابنها "آخر العنقود" عشان عايز الـ"جزازة" المعجزة .. بس للأسف ماكانتش واخدة بالها إنه "ألدغ" فى التمانية و عشرين حرف ..
المهم فى الآخر تطلع العلبة .. إيرونيل"بتاعة الشعب الهوائية" .. شفت بقى البراءة ؟!

لأ , و يا سلام بقى لو كان الواد من دول جاى مع أبوه أو الست الفاضلة أمه .. , طبعا حتقول لى :كده أسهل .. مالكش حجة ..
حاقول لك : بالعكس , ده المشكلة هنا ما بتكونش فى انى أعرف الصنف المطلوب .. , لا أبدا , لكن المشكلة بتكون فى العفريت اللى بيكون راكب الولد لما بيكون فى الصيدلية , .. و افضل بقى طول ما الراجل واقف ..
-(بابتسامة) سيب الكمبيوتر يا حبيبى ..
-(من غير ابتسامة) سيب الكمبيوتر يا بابا ..
-يا حمادة سيب الماوس ..
-لأ .. الموبايل لأ ..
-( وانا باجرى عليه ) .. الموبايل حيقع من إيداااااااك ..
-يا ستى , خدى ابنك ف إيدك ..
-( الضحكة الفلاحى إياها ) هيهيهيهيهيهيهي .. ما تسيبه يلعب يا دَكتوور .. يعنى هوه حيبوظهووم ؟! ..
-لا يا ستى .. بس ممكن الويندوز يقع أو ..
-إه .. ؟!
-أنا آسف .. مش شتيمة و اللهِ .. أقصد إنه ممكن يطفى من نفسه ..
-طب خلاااص .. أدينا ماشيين .. هيهيهيهي .. "عُجْبالك" لما تجيب زيه ..
-(بعد أن تخرج) روحى يا شيخة .. إن شاء الله مش حيكون زيه ..

و يا ريت على كده و بس .. لأ لسه فيه أكتر ..
فاكر إزازة الـ"إييونيي" ؟!
صاحب الواد الألدغ و جاره ألاقيهم داخلين الصيدلية فرحاً بعملية شراء الدواء الناجحة ..
-هات انا أشيل الدوا ..
-يأّه .. ده بتاعى ..
-يا بنى باقول لك هات .. انا حاودّيهو لكو لحد البيت ..
-(صارخا) .. يأااااااااه .. ده بتاعىىىىىىىى
يا عينى عليّه انا بقى و انا شايف الإزازة بحبابى عينيّه و هى بتقع من إيد الواد .. و تفرش أرضية الصيدلية بسائلها الشفاف المائى الجميل ..
كان هاين عليّه أنزل ألمّها بنفسى من ع الأرض .. و ده لأنى كنت متوقع تطورات الموقف , ..
قالوها زمان حكمة : يعملوها الصغار و يقعوا فيها الكبار ..
( شنب كبير داخل الصيدلية بجوار واحدة حامل بيقولوا عليها مراته .. مراة الراجل مش الشنب ! )
-الواد ابنى رجع من غير الدوا ليه يا دكتور ؟! ده كان بيعيط كمان .. !!
-و ماقال لكش كان بيعيط ليه ؟!
-(ينظر إلى سقف الصيدلية) قال لنا بس احنا ما فهمناش ..
-ليه ؟!
-عشان كان بيعيط , بجانب إنه ألدغ ف حروف كتير ..
-طب مادام عارفين كده كويس .. مابعتّوش ليه حد أكبر منه عشان لما يرجع من غير الإزازة تفهموا كلامه ؟!
-يعنى إيه يا دكتور ؟!
-يعنى الإزازة وقعت من إيده على باب الصيدلية و هو بيتخانق مع الواد التانى صاحبه على مين اللى يشيلها .. أخدت منه فلوسها و قلت له لو عايز واحدة تانية هات لى حد كبير ..
-لا بس انا ابنى الجزازة ما "تجعش" من إيده .. ليه ؟! ده عنده دلوكتى3 سنين و نص .. ليه ؟! أكتع ..
-لا يا سيدى مش أكتع , بس لما اتخانق مع صاحبه وقعت ,
-طب مش تاخد بالك منهم يا دكتور ؟!
-هما مش فى صيدليتك برضه ؟!
-يا سيدى هما ولادى ولّا ولادك ؟! .. أنا مال أهلى أنا ؟! .. إزازتك مع ابنك و فلوسى معايا ..
-لا "بجَى" .. "أنى" عايز واحدة تانية بدالها .. يا سيدى "جدّر" إنها "وجعت" منك انت ..
-يا سلاااام .. ( أهو ده بقى الاستهبال على أصوله ) .. لا يا حاج .. سعادتك لو عايز واحدة تانية , ادفع تمنها و تاخدها و عليها بوسة .. لكن احنا هنا مش فاتحينها سبيل ..

يا عينى بقى لمّا تعرف إن الحوارالطويل العريض ده كله كان على اتنين جنيه و ربع بس.. مش دى حاجة تفرس بذمتك ؟! 

  ===========================

الفرسة رقم ( 1 ) .. البت بتدعك ف عينيها ..

الفرسة رقم ( 2 ) .. يوم أن جاءنى صلاح ..

الفرسة رقم ( 3 ) .. المضاد الحيوى و سنينه ..

الفرسة رقم ( 4 ) .. إنه عم على ..

الفرسة رقم ( 5 ) .. شركة المية .. من غير مية ..

الفرسة رقم ( 6 ) .. مأساة الديجيستين ..

الفرسة رقم ( 7 ) .. خفّافى .

 

الفرسة رقم ( 9 ) .. و الشنب كمان لو سمحت .

============================
تابعونا على جروب انا الصيدلى
http://www.facebook.com/groups/AnaAlsaidaly
============================= 

لا تنسى عمل شير لاصدقائك من الصندوق الموجود  بالأسفل .